– Vi har fått melding om at to bilar kolliderte ved avkøyrselen frå rv. 5 og opp mot skulen i Naustdal, seier vaktleiar ved Alarmsentralen, Frode Eide.
Totalt fire personar var involvert i ulukka.
– Fleire av personane klagde over smerter, seier Eide.
To av personane er frakta til Førde sentralsjukehus, melder Helse Førde.
Politiet skriv på Twitter at det ikkje er snakk om alvorlege personskadar.
Alle naudetatar rykka ut til ulukka.