Ein bil som stogga for ein fotgjengar vart påkøyrt bakfrå av ein annan bil. Ulukka skjedde ved Jølstraholmen i formiddag.
– Ifølgje vitne skal eit barn ha vore på veg over gangfeltet, seier Per Algerøy, som er operasjonsleiar i Vest politidistrikt.
Politiet fekk melding om hendinga klokka 14. Det var i alt fem personar i dei to bilane.
Tok førarkortet til kvinne i 20-åra
To av dei involverte vart lettare skadde og vart køyrt til legevakt for sjekk. Dei tre andre kom frå det utan skadar, opplyser politiet på Twitter.
– Det var tre personar i den fremste bilen og to i den bakarste. Førar av den bakarste bilen, ei kvinne i 20-åra, har fått beslaglagt førarkortet. Det er oppretta ein politisak, seier Algerøy.
Vegen vart stengt etter ulukka, men vart opna att klokka 14.37.
