– Det er ei trafikkulukke med personskade. To bilar har køyrt etter kvarandre, og den fremste har stogga for fotgjengarar. Så vart den bilen påkøyrd bakfrå, fortel operasjonsleiar i politiet, Kjetil Drange.
Politiet har mellombels teke frå den eine sjåføren førarkortet.
– Omstenda, med påkøyrsle bakfrå, gjer at vi mellombels har inndrege det. Det er ikkje mistanke om promillekøyring, seier Drange.
Fem av dei involverte i ulukka er tilsynelatande uskadde, medan to blir tekne med til lege for nærare sjekk.
Alle naudetatane kom raskt til staden.
UTAN LAPPEN: Føraren som køyrde i den andre bilen bakfrå er mellombels utan førarkort etter ulukka.
Foto: Christian Blom