Situasjonen på fjellovergangane
Foto: Statens vegvesen

Trafikken i Sogn og Fjordane

Oppsummert

Ser du noko i trafikken du meiner andre bør vite? Tips oss på sf@nrk.no eller med kodeord SF til 1987. Her får du trafikkoppdateringar på vegane i Sogn og Fjordane Sjå også NRK Trafikk for flere vegmeldinger.

  • Ekstra lang ferjekø

    Skal du ta ferja mellom Mannheller og Fodnes på rv. 5? Då må du bu deg på å vente 20 minutt i ferjekø, melder Statens vegvesen. Ved ferjesambandet mellom Lavik og Oppedal på E39 går det i dag fire ferjer med avgang kvart 15. minutt.

  • Gratis kontroll av russebilar

    I morgon 23. april er det gratis kontroll av russebilar på trafikkstasjonane i Førde og på Nordfjordeid. Det er Statens vegvesen som inviterer russen til å sjekke tilstanden på russebilen sin.

    Sette fyr på russebil på Festplassen i Førde
    Foto: Simon Solheim / NRK
  • Stoppa bil etter vinglete køyring

    Klokka 16.45 sundag fekk politiet inn melding om ein bilist som køyrde vinglete og med ujamn hastigheit. Det var ein annan bilist som melde ifrå. Bilane var på veg mot Stryn på riksveg 15. Politipatruljen i Stryn vart sendt ut og fekk stoppa bilen. – Det viste seg å vere to turistar på ferie som var litt for opptekne av naturen, fortel Ole Ronny Olsen ved politiets operasjonssentral i Bergen. Turistane fekk køyre vidare med ei oppmoding om å sjå meir på vegen.

  • Ein time ventetid i Lavik

    Skal du ta ferje frå Lavik til Oppedal må du ta høgde for litt venting. Klokka 16.30 melde Vegtrafikksentralen at ventetida i Lavik var på om lag ein time og at trafikken er aukande.

    Ferjekø
    Foto: Thomas Brakstad / NRK