– Heilt fantastisk! Ubeskriveleg, strålar spissen etter at Sogndal herja med Hønefoss.
- Les også:
Sjølv sa han til NRK allereie laurdag kveld at han skulle ende måltørken. Ti minuttar før slutt scora han sitt 14 mål for sesongen - og første etter tre mållause kampar.
– Var berre å smelle til
– Eg sa det til deg. At eg skulle score vår fjerde scoring. Det gjorde godt å få sette ein att, gliser han.
Målet kom frå skrå vinkel - og kring 20 minuttar etter at dommaren i Bergen blåste av Åsane - Kristiansund på stillinga 2-0 til heimelaget.
– Eg fekk ballen frå ein medspelar, eitt touch og så set eg han vel mellom beina til ein forsvarar i lengste. Ballen var klar med første touchen så var det berre å smelle til, skildrar han.
– Reknar med feiring
Etter kampen var toppscoraren både ettertrakta og - ikkje minst - letta over at opprykket til Eliteserien endeleg er i boks.
– Det er så godt. No har vi vore på toppen så lenge. Å få avgjort det no er fantastisk. Alle har venta at vi skal rykke opp. Å endeleg kunne seie at vi har gjort det er utruleg deilig, strålar han.
– Har du opplevd noko større?
– Eg kan ikkje seie det. Eit opprykk til eliteserien har eg aldri vore med på. Det er heilt fantastisk. Dette har eg drøymt om. Vi skal kose oss no. Eg reknar med det blir litt feiring. Men det er kamp allereie onsdag, så eg veit ikkje heilt kva som skjer, seier han.