Hopp til innhold

Toppar Coop Extra-lista

Ingen av dei 50 andre Coop Extra-butikkane i landet matchar omsetnaden til avdelinga på Brulandsvellene i Førde.

Coop Extra i Førde

STØRST I LANDET: Coop Extra i Førde.

Foto: Oddleif Løset / NRK

I fjor sette Coop Extra i Førde ny omsetnadsrekord, skriv firda.no . Det vart handla for vel 142 millionar kroner, det var nesten ti millionar meir enn nummer to på lista Coop Extra Nyborg i Bergen.

Administrerande direktør Geir Espe i Coop Vest er naturleg nok nøgd.

– Det er kjekt å sjå at vesle Sogn og Fjordane klarer å vere størst no når vi har over 50 Coop Extra-butikkar i landet. Det har vore gjort ein kjempejobb, seier han til avisa.

Espe meiner tala viser kor viktig det er å byggje ut området på Brulandsvellene.

Geir Espe

- KJEKT: Adm. dir Geir Espe i Coop Vest.

Foto: Silje Guddal / NRK