I Svelgen i Bremanger var politiet tidleg på pletten for å sjekke bilførarar på skulevegen i bygda. Kort tid etter at kontrollen var i gang, kom det første resultatet.
– Vi hadde 24 som måtte blåse, der ein fekk utslag på såkalla lågpromille, fortel politisjef i Bremanger, Espen Gulliksen.
Han reagerer sterkt på at nokon tek sjansen på å leggje ut på vegen med promille, ikkje minst den dagen då alle bør vite at det er første skuledag.
– Dei har ikkje noko bak eit bilratt å gjere, slår Gulliksen fast.
Bilføraren blei tatt med til lege for blodprøve.
– Er det så positivt som alkometeret viste, så kan han nok vente seg ein reaksjon frå politiet, seier Gulliksen.
Vest politidistrikt melder måndag at dei har gjennomført mange trafikkontrollar i samband med skulestarten.
– At politiet er tilstades og kontrollerer blir opplevd som eit positivt og betryggande tiltak, skriv politiet på Twitter.