Ofra Kongepokalen for NM-gullet - fekk EM-billett på kjøpet

Sindre Rørstadbotnen (22) fekk knallhard kamp om gullet under helgas NM Vektløfting i NM. Det kosta han truleg Kongepokalen.

Sindre Rørstadbotnen

FULL KLAFF: Konkurransen i 94 kilosklassa vart så tøff at Sindre Rørstadbotnen kasta sin eigen slagplan for å sikre NM-gullet.

Foto: Trygve Duun / Norges Vektløfterforbund
Oddleif Løseth
Journalist

Naustedølen løfta 139 kg i rykk og 179 i støyt og persa seg med to kilo i begge. Med totalt 318 kilo og 365 poeng var det duka for spenning kring Kongepokalen.

Den hamna til slutt hos Kim Eirik Tollefsen (Tønsberg-Kam.). Med eitt poengs margin.

– Eg hadde lyst på Kongepokalen, men i dag var det så mykje anna som var bra. Det var først og fremst gullmedaljen eg kom for, seier Sindre Rørstadbotnen.

Kasta slagplanen

– Eg tok gull i 2013 og var berre nokre poeng frå gull og kongepokalen i fjor. Så eg var alvorleg svolten på å vinne. No er det eg som er sjefen i 94 kilosklassa, legg 22-åringen til.

Jantsen Øverås

GULL: Jantsen Øverås forbetra sin eigen norske rekord med ein kilo då han støytte 147 kilo.

Foto: Trygve Duun / Noregs Vektløfterforbund

Kampen om klassesigeren vart så hard, at han måtte kaste slagplanen for stemnet. Det kosta han truleg Kongepokalen.

Får EM-tur

– Målet var 143 kilo i rykk og 183 kilo i støt, men sidan det vart så tøff konkurranse måtte eg gå litt annleis opp i kilo. Då vart det slik, seier han.

Rørstadbotnen vil likevel ikkje henge med nebbet etter helgas meisterskap på Spydeberg. Bonusen i form av billett til Tbilisi og EM i april varmar godt.

– Eg er veldig nøgd med det. Det er ikkje mange 22-åringar som får oppleve å kvalifiserer seg til eit senior-EM. Den ligg høgt, seier han.

Marit Årdalsbakke

GULL: Marit Årdalsbakke vann si klasse med 90 kilo i støt og 80 kilo i rykk. I tillegg leverte to gode forsøk på 95 kilo i støyt.

Foto: Trygve Duun / Norges Vektløfterforbund

Ville ha Kongepokal

Trenar Gunnar Reiakvam konstaterer at klubben aldri har vore nærare ein Kongepokal sidan Geir Grønnevik fekk den i 2006. På same tid er han nøgd med medaljefangsten.

Ingen klubbar tok fleire medaljar enn Tambarskjelvar sine fire gull og to sølvmedaljar.

– Likevel, så er eg ikkje heilt nøgd resultatmessig. Dei fleste hadde meir å gå på, men bevares. Jentene viser gode takter og eg ser at vi har tre jenter som er nær å kvalifisere seg til EM på heimebane neste år. Det er også tre av karane, og då er vi veldig nær målet som er seks kvalifiserte, seier han.

Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.