Politiet fekk melding om trafikkulukka ved Eldrevatnet klokka 19:42. Ambulanse, helikopter, brannvesen og politi blei sende til staden.
Dei to skadde kvinnene blir tekne hand om av helsepersonell. Ulukka skal ha skjedd i samband med ei forbikøyring.
Føraren av bilen som køyrde forbi dreiv med lærekøyring. Personen som var ansvarleg i bilen har fått førarkortet beslaglagt. Saka blir vidare etterforska av Årdal lensmannskontor.
Vegen var stengd etter ulukka, men klokka 21:40 melder Statens vegvesen at riksveg 52 igjen er open for fri ferdsel.