Vegvesenet hadde kontroll av tunge køyretøy, og to av sjåførane som vart vinka inn vart politimelde.
– Den eine på grunn av manglande pålagd yrkessjåførkompetanseopplæring, og den andre fordi han hadde køyrt for lenge utan kvile i høve til reglane for køyre- og kviletid, seier Svein Arne Henjesand, overingeniør i Statens vegvesen.
– To politimeldingar er i utgangspunktet to for mykje, legg han til.
For å sikre at alle sjåførar har eit visst kompetansenivå er det krav om såkalla yrkessjåførkompetanseopplæring, dette er eit felles krav innanfor EU. Men den polske sjåføren Vegvesenet stogga i dag hadde det ikkje.
Sjåføren som hadde køyrt for lenge hadde køyrt i nesten seks timar, medan han etter reglane skal ha kvile etter 4,5 timar køyring.
– Dette var ein norsk sjåfør som hadde strekt køyretida si for lenge før han tok pause, seier Henjesand.
- LES OGSÅ:
- LES OGSÅ: