NRK Meny
Normal

To personar påkøyrt på cruisebåtkaia i Olden

To kvinner er sendt til sjukehus etter ein påkøyrsel på cruisekaia i Olden.

Politi på Olden cruisekai

OLDEN: Kort tid etter at politiet fekk melding om ulukka var politi og ambulanse på staden.

Foto: Ingfrid Berge Fossåskaret / NRK

Det er to eldre kvinner som har blitt påkøyrt av ein lastebil. Det melder politiet i Sogn og Fjordane.

– Dei er medvitne begge to. Det var fleire folk samla på kaia, blant anna ein lege som kom raskt til, seier Frode Eide, som er vaktleiar ved 110-sentralen i Sogn og Fjordane.

To kvinner er sendt til sjukehus etter ein påkøyrsel på cruisekaia i Olden.

Politiet melde først at ei av kvinnene var sendt med ambulanse til sjukehus, medan den andre kom frå påkøyrselen uskadd. Klokka 12:30 melder politiet på Twitter at begge er sendt til sjukehuset på Nordfjordeid for legesjekk.

Politiet fekk melding om trafikkulukka i Olden klokka 11.25. Det er ikkje mistanke om promillekøyring.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.