NRK Meny
Normal

To menn tekne av snøras

To menn vart tekne av eit 100 meter langt snøras på fjellet Gryta i Stryn laurdag ettermiddag. Hjelpemannskapa måtte dirigere karane ut av rasområdet med tekstmeldingar.

Redningsaksjon i Stryn.
Foto: Arne Vik

Artikkelen er flere år gammel.

Dei to ringde sjølve klokka 16 laurdag og melde frå om at vart tekne av eit snøras.

Dei to fjellvande mennene køyrde telemark off-piste ved Stryn skisenter, då dei løyste ut raset som førte dei 30-40 meter ned fjellsida.

Mennene som er i 30-åra vart ikkje skadde i raset. Etter å ha greve seg ut av raset gjekk dei litt oppover att for å finne ein trygg plass å vente på hjelp.

- Dei vurderte risikoen for å løyse ut nye ras som så stor at dei ikkje våga å gå ut av området utan hjelp, fortel vaktleiar i Stryn Røde Kors Hjelpekorps, Jostein Bøe til NRK Sogn og Fjordane.

Sende tekstmeldingar

Det vart vurdert å bruke eit redningshelikopter for å få ut dei to mennene, men på grunn av frykt for at helikopteret kunne løyse ut nye ras vart det avlyst. I staden tok ei snøscooter-patrulje frå Røde Kors seg inn mot området. Dei fekk og hjelp av ein lokal rasekspert.

- Rasfaren var for stor til at vi kunne gå inn i området. Men ved hjelp av tekstmeldingar fekk vi dirigert dei to ut av rasområdet, fortel Bøe, som legg til at begge mennene var i god form.

- Uforsvarleg

Staden der dei to mennene i 30-åra utløyste raset er ikkje ei uvanleg rute å køyre telemark i. Bøe har sjølv køyrt  i dette området, som ligg på vestsida av fjellet Gryta. Men på grunn av mykje nysnø og dårlege verforhold, meiner han det er uforsvarleg å ferdast i dette området no. Når rasfaren er så stor som den er no, oppmodar han heller folk om å halde seg i skisenteret.

Navnestrid i Sunnfjord
2200 villrein i Nordfjell skal avlivast, men jegerane er ikkje nøgde. 
   
Dab-dekning i tunnelar