Hendinga skjedde like over klokka 15.00 i ettermiddag og ein bergingsbil var framme på staden kl. 17.30.
Klokka 19.40 i kveld meldar Statens vegvesen om at vegen er open att.
– Politiet har snakka med begge sjåførane. Politipatruljen kunne melde om at det var glatt på vegen, seier operasjonsleiar ved politiet sin operasjonssentral i Bergen, Arve Samsonsen.
Det blei ikkje meldt om personskade etter uhellet.
Stod i kø
Kari Svarstad var ein av dei som kom til staden. Ho måtte ta føtene fatt til slutt. Ho bur ikkje langt unna staden.
– Eg stod å venta ei stund, men fant ut at det var best å gå. Nokon sa eg kunne parkere og gå heim, og det gjorde eg, seier Svarstad.
Ho gjekk forbi bilane og fortel kva ho såg:
– Den eine lastebilen stod inntil berget. Og den andre, ein dansk trailer, stod knekt inntil lastebilen.
Det var ei stund kø i den eine retninga.
– Men det ser ut til at køen er borte på eine sida. Men bilar har kome med ferja frå Oldeide, og det er kø hin vegen no, seier Svarstad.