NRK Meny
Normal

To dagar før den store dagen er det barnehagetog i Eidsgata

Som generalprøve til 17. Mai vart barnehagane i Eid i dag samla til eit tradisjonsrikt barnetog gjennom Eidsgata.

15. mai var det tid for det tradisjonsrike barnehagetoget på Nordfjordeid.

– Eg gler meg mest til å ete is, sa ein av dei heldige barnehageungane som fekk lov til å feire nasjonaldagen to dagar på forskot i dag.

Alle barnehagane i Eid kommune samla seg til ein miniatyrutgåve av det som skal skje på onsdag, og i år gjekk 352 ungar i toget. I tillegg deltok alle skulekorpsa i kommunen, og til saman betyr det at det var meir enn 700 deltakarar.

Kommunalsjef for oppvekst og kultur i Eid kommune Harald Sivertsen seier tradisjonen med barnehagetog to dagar før sjølve dagen går tilbake mange år.

– Det er eit tradisjonsrikt arrangement, det var i alle fall på plass då eg kom til bygda i 1995, men sikkert lenge før og.

Is på Eid

MYKJE IS: Etter barnehagetoget på Nordfjordeid, får ein høve til å ete like mykje is som ein kan gjere på onsdag.

Foto: Sondre Dalaker / NRK

Veldig roleg tempo

Først og fremst er poenget at ungane skal ha det kjekt, men Sivertsen fortel at det også er ein god sjanse til å øve seg før det skikkelege toget på onsdag.

Barnehagetog på Eid

BRA OPPMØTE: 352 ungar deltok på årets barnehagetog i Eidsgata.

Foto: Sondre Dalaker / NRK

– Det er eit tog der borna bestemmer tempoet i mykje større grad enn på sjølve nasjonaldagen, og det er ein fin måte å samle alle barnehageungane i kommunen.

Og det gjeld ikkje berre for ungane. Korpsa ifrå alle dei ulike bygdeskulane i kommunen er representerte i toget, og også for dei er toget eit godt høve til ein generalprøve. Og etter toget vert det sjølvsagt store mengder pølser og is.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.