Han må likevel sitje fengsla i påvente av at politiet anka tingretten si avgjerd til lagmannsretten.
– Vi er nøgde med tingretten sin konklusjon og forventar at dette vil bli resultatet også i lagmannsretten. Vi forventar også at den vidare etterforskinga vil gje støtte til sikta si forklaring, seier advokat Anette Vangsnes Askevold til NRK.
Politiet har så langt onsdag kveld ikkje vore tilgjengeleg for kommentar til tingretten si avgjerd, men i går sa politiadvokat Bernt Dahlsveen følgjande til NRK:
– Der kom det fram opplysningar som gav mistanke om at ein del arbeidarar frå Polen vart utnytta. Det går mellom anna på løn, arbeidstid og innkvartering, stadfestar politiadvokat Bernt Dahlsveen ved Akrimsenteret i Bergen.
På noverande tidspunkt meiner politiet at mannen kan ha utnytta mellom 30 og 40 polske arbeidstakarar, men Bergen tingrett lét seg ikkje overtyde av bevisføringa til påtalemakta.
– Han sa at vi ikkje kunne reise tilbake til Polen og vi ikkje ville få utbetalt løna vi hadde til gode, fortalde bærplukkar Julia Galczynska til NRK tysdag.