- Det har gått eit jord- og steinras i Berdalen ein gong mellom klokka 18 og 19 onsdag kveld, opplyser styreleiar i Tindevegen, Frank Roger Eldegard til NRK.
Viktig pendlarveg
Fjellvegen mellom Årdal og Turtagrø vert brukt av mange pendlarar, men vert ikkje opna att i dag. Vegen går mellom riksveg 53 på Årdal-sida til riksveg 55 på Turtagrø-sida.
- Det er bekmørkt i området, så arbeidet med å få vekk rasmassen tek vi att i morgon, forklarar Eldegard.
Opnar ikkje før torsdag
Vegen er privat og inngår ikkje under Statens Vegvesen.
Det har regna kraftig i området onsdag.
- Vi håpar å opne vegen att i morgon, torsdag klokka 12, seier Eldegard.
Ifølgje Vegmeldingssentralen er det ved 21.30 tida onsdag kveld ikkje kome inn andre meldingar om stengde vegar på grunn av ras i Sogn og Fjordane.