NRK Meny
Normal

Tiltalt etter knivstikking

Ein mann i 30-åra er tiltalt for grov kroppsskade etter å ha stukke ein mann med kniv i Høyanger. Hendinga fann stad i eit privathus i august i fjor.

Knivstikking i Høyanger

ÅSTADEN: Her i Sandvika utanfor Høyanger skal knivstikkinga ha funne stad.

Foto: Arve Ullebø

– Han er tiltalt for grov kroppsskade. Det er fordi han gjentekne gonger har stukke ein person med kniv. Hovudsakleg då i rygg, skulder og andlet, seier politiadvokat Malin Skeibrok Ånensen

Begge dei to involverte i knivepisoden er asylsøkjarar. Offeret ein mann i 20-årar vart etter hendinga send med luftambulanse til sentralsjukehuset i Førde med kuttskadar.

Saka vart i starten etterforska som drapsforsøk , men påtalemakta har valt å ikkje ta ut tiltale for dette.

– Etter ei heilheitleg vurdering har vi kome fram til han ikkje har hatt forsett om drap, seier Ånensen.

Mange vitne

Den tiltalte mannen som er frå Irak har i avhøyr vedgåttstraffskuld for knivstikking.

Mannen i 30-åra har site i varetekt heilt sidan han vart pågripen i august i fjor, og kjem til å sitje fengsla heilt fram til rettssaka. Ånensen seier dei tek sikte på å føre 10 vitne og to sakkunnige.

– Blant vitna er personar som var til stades og som budde i huset der knivstikkinga fann stad. I tillegg er det politivitne og to sakkunnige, seier Ånensen

Tiltalen har ei øvre strafferamme på 10 år. Det er sett av fem dagar til saka som startar 13. mars.

Forsvarar i saka, advokat Johan Eide, ønskjer ikkje å kommentere tiltalen.

Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.