– Eg kjenner meg heldig som har fått kunstnarstipend for andre gong, seier Skåre.
Statens kunstnarstipend for 2015 er tildelt 894 kunstnarar. Kun 11 % av dei som søker får tildelt stipend, og det er i år åtte kunstnarar frå fylket som har fått stipend i ulike kategoriar og prisklassar.
Skåre får 60.000 kroner i det som heiter diversestipend. Han er utdanna frå Kunskolen og Kunst- og designhøgskolen i Bergen, samt Konstfack i Stockholm, og har ei rekke utstillingar og prosjekt bak seg.
– Eg driv hovudsakeleg med rommelege objekt, skulpturar og installasjonar, ofte med utgangspunkt i arkitektur.
I tillegg driv han med foto og film, og driv kunstbokforlaget Gruppepress.
– Stipendet kjem veldig godt med, då eg har mange planar til hausten. Eg skal på kunstnarresidens både i Dale og Taiwan, fortel Skåre.
- Les også:
Installation i Tollbodallmeningen 39, Bergen, 2014
Foto: Kent Fonn Skåre / http://kentskare.com/Sjølv om kunstnarar i Sogn og Fjordane får tildelt få stipend samanlikna med dei andre fylka, er innvilgingsprosenten høg; av 47 søknader frå fylket vart 17 % innvilga, den høgaste prosenten i landet.
Dette er dei som fekk tildelt stipend i år, av dei som er registrerte i fylket:
- Runhild Hundeide - diversestipend, biletkunstnarar - 60.000 kroner
- Marius Moldvær - diversestipend, biletkunstnarar - 60.000 kroner
- Kent Fonn Skåre - diversestipend, biletkunstnarar - 60.000 kroner
- Kirsten Skov Bjerre - diversestipend for nyutdanna kunstnarar, biletkunstnarar - 90.000 kroner
- Siw Anita Kirketeig - diversestipend for nyutdanna kunstnarar, biletkunstnarar - 60.000 kroner
- Synnøve Bjørset - diversestipend, musikarar - 20.000 kroner
- Øystein Vidnes - diversestipend, skjønnlitterære omsetjarar - 40.000 kroner
- Eirik Halse - diversestipend for nyutdanna kunstnarar, filmkunstnarar - 60.000 kroner
I tillegg kjem kunstnarar som har sitt opphav i fylket, men som er busette i andre fylke.
- Les også:
