NRK Meny
Normal

Til sjukehus etter vald

Fire menn barka i hop i Florø etter utestadane stengde natt til laurdag.

– Vi har ein mann i arresten, og ein er på sjukehus, seier operasjonsleiar hjå politiet, Per Rimmen.

– Er det snakk om alvorleg vald?

– Det må etterforskinga vise.

Mannen som er på sjukehus etter valden i 03-tida i natt, er ikkje den einaste som vart send i retning Førde sentralsjukehus natt til laurdag.

I Gloppen fall ein rusa tenåring ned ein skrent på fylkesveg 615 Sandane-Hestnesøyra, og han vart også frakta til sjukehus. Den same turen med ambulanse måtte ein rusa mann frå Måløy ta: Politiet fann han utanfor eit hus i Gate 5 klokka 04.15.

I Vik kom det melding om ein båt som køyrde i ei flytebrygge like før klokka 03. Politiet mistenkjer rus, og mannen vart teken med for blodprøve

Elles har det vore ei relativt roleg laurdagsnatt for politiet. I Førde vart ein rusa mann køyrd heim, og i Florø måtte dei ta seg av eit par festar med svært høg musikk.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.