NRK Meny
Normal

Terrorsikta planla å sprengje avis

Den terrorsikta mannen (37) med bakgrunn frå Førde skal ha tilstått at han hadde planar om terror. Målet skal ha vore å sprengje Jyllands-Posten.

Terrorsikta 37-åring

PLANLA ATTENTAT: Den terrorsikta 37-åringen som har budd i Førde vart pågripen i Tyskland.

- Eg kan stadfeste at ein av dei sikta i terrorsaka har tilstått planleggjing av terror, seier kommunikasjonssjef Trond Hugubakken i Politiets Sikkerhetstjeneste (PST) til VG Nett.

Ifølgje kommunikasjonssjefen skal den danske avisa Jyllands-Posten ha vore attentatmålet for den sikta irakaren.

Pågripen av PST i Tyskland

Den terrorsikta irakaren er tidlegare styreleiar for Førde islamske senter, men har ikkje vore i kontakt med det muslimske miljøet i Sunnfjord etter at han flytta i 2002.

LES MEIR:

Han er ein av dei tre terrorsikta mennene, som vart pågripne av PST i Tyskland i juli.

Har forklart seg i avhøyr

Den 37 år gamle irakaren har advokatane Brynjar Meling og Arvid Sjødin som forsvararar.

- Eg kan stadfeste at klienten vår og eg har vore i avhøyr, der han har forklart seg om rolla si, seier Meling til vg.no.

Dei to andre sikta i saka nektar for straffskuld.

(Artikkelen held fram under biletet)

Huset der den 37 år gamle terrorsikta budde

I FØRDE: Her budde den 37 år gamle irakaren medan han var i Førde.

Foto: Simon Solheim / NRK

Britisk etterretning: - Knytt til al-Qaida

Familiefaren nektar for å ha vore ein del av ei terrorcelle. Han avviser også at han har hatt tilknyting til al-Qaida.

- Eg vil ikkje gå i detaljar, men det er viktig å få fram at dette er handlingar som ligg på planleggingsstadiet. Eg meiner det aldri har vore konkret og nærliggjande fare for liv og helse i denne saka, seier Meling.

Politiet meiner dei tre mennene har hatt kontakt med ei al-Qaida-gruppe i Pakistan. Britisk etterretning knyter dessutan den terrorsikta nordmannen til al-Qaida-nettverket, som skal ha vore involvert i bombeangrepa i London i 2005.

Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.