- Eg kan stadfeste at ein av dei sikta i terrorsaka har tilstått planleggjing av terror, seier kommunikasjonssjef Trond Hugubakken i Politiets Sikkerhetstjeneste (PST) til VG Nett.
- LES OGSÅ: Terrorsikta skal ha tilstått
Ifølgje kommunikasjonssjefen skal den danske avisa Jyllands-Posten ha vore attentatmålet for den sikta irakaren.
Pågripen av PST i Tyskland
Den terrorsikta irakaren er tidlegare styreleiar for Førde islamske senter, men har ikkje vore i kontakt med det muslimske miljøet i Sunnfjord etter at han flytta i 2002.
LES MEIR:
Han er ein av dei tre terrorsikta mennene, som vart pågripne av PST i Tyskland i juli.
Har forklart seg i avhøyr
Den 37 år gamle irakaren har advokatane Brynjar Meling og Arvid Sjødin som forsvararar.
- Eg kan stadfeste at klienten vår og eg har vore i avhøyr, der han har forklart seg om rolla si, seier Meling til vg.no.
- LES OGSÅ:
Dei to andre sikta i saka nektar for straffskuld.
(Artikkelen held fram under biletet)
I FØRDE: Her budde den 37 år gamle irakaren medan han var i Førde.
Foto: Simon Solheim / NRKBritisk etterretning: - Knytt til al-Qaida
Familiefaren nektar for å ha vore ein del av ei terrorcelle. Han avviser også at han har hatt tilknyting til al-Qaida.
- Eg vil ikkje gå i detaljar, men det er viktig å få fram at dette er handlingar som ligg på planleggingsstadiet. Eg meiner det aldri har vore konkret og nærliggjande fare for liv og helse i denne saka, seier Meling.
- LES OGSÅ:
Politiet meiner dei tre mennene har hatt kontakt med ei al-Qaida-gruppe i Pakistan. Britisk etterretning knyter dessutan den terrorsikta nordmannen til al-Qaida-nettverket, som skal ha vore involvert i bombeangrepa i London i 2005.
