- Pengane som kommunane skulle hatt forsvinn i advokathonoraret, seier redaktør Morten Hofstad.
- LES OGSÅ:
Tener på kommunane
Det var han som avslørte Terra-saka. No er han svært kritisk til at advokatane som arbeider med Terra-kommunane tener store summar på det.
Tidlegare har det kome fram at meklarane har tent store summar på Terra-skandalen.
26 millionar
Dei tre advokatane bak firmaet Lund og co, som jobbar med Terra-saka, tente 26 millionar kroner i fjor viser likningstala.
Inntektene deira er mangedobla etter at dei fekk Terra-kommunane på kundelista.
- Kommunane avgjer sjølv om dei treng tenestene våre, seier Stein Erik Stinessen, dagleg leiar i Lund og co.
- Når det gjeld våre oppdrag for dei såkalla Terra-kommunane, er det oppdrag som er basert på vanlege timesatsar både for advokatar og fullmektige, seier han.
- LES OGSÅ:
- LES OGSÅ:
2150 kroner i timen
Stinessen, som var oppført med ei inntekt på 9,2 millionar kroner i fjor, poengterer at han tek 2150 kroner timen av Terra-kommunane.
Han meiner dette er rimeleg i høve mange andre advokar.
Han meiner likningsstyresmaktene operer med altfor høge inntekter til advokatane.
Gode løner
- På vegne av heile advokatbransjen er inntektstala blåst opp til det dobelte, seier Stinessen.
- Men for å seie det slik; de tener ikkje dårleg?
- Nei, det gjer ikkje advokatar i Norge. Dei fleste advokatar har eit rimeleg godt utkome. Men dei fleste arbeider hardt for det.
- LES OGSÅ:
Vil ta lang tid
Hofstad fryktar at Terra-kommunane må ut med store advokat-honorar i åra som kjem.
- Vi er truleg fleire år fram i tid før ein får ei avklaring om kommunane får ein einaste daler att. I ein slik situasjon er det svært lukrativt å vere advokat, seier redaktøren.