NRK Meny
Normal

Tarjei Bø er i trening igjen

Tarjei Bø har ikkje gått eitt einaste verdscuprenn denne sesongen. Han er i trening, men må vise form i konkurranse før han kan få klarsignal til VM.

Tarjei Bø

MÅ SYNE FOR FØR VM: Tarjei Bø tilbake i trening etter langvarig sjukdom.

Foto: Ruud, Vidar / NTB scanpix

– Tarjei Bø er i trening igjen. Han har fått trent godt og er i framgang. Ting har begynt å fungere for ham, seier landslagstrenar Egil Kristiansen til NTB.

Men med tanke på VM-start må Bø ha minst ein konkurranse i kroppen. Det er moglegheiter både i noregscupen i Holmenkollen til helga og eit IBU-cuprenn i Brezno i Slovakia 3. februar.

Under førre VM i Holmenkollen tok Tarjei Bø både sølv og gull. VM denne sesongen går frå 8.–19. februar i Hochfilzen i Austerrike.

Problem med luftvegane

Bø har tidlegare synt at han kan vere ein mann å rekne med, sjølv om han har slite med sjukdom. Under VM i 2012 vart han utslått av det som synte seg å vere TWAR-viruset.Den gongen avslutta han meisterskapen med å ta gull på fellestarten på siste konkurransedag.

I starten av januar skulle Bø eigentleg gjere comeback etter å ha vore ute i første del av sesongen med luftvegsproblem.

Det enda med tilbakefall og Bø måtte stå over verdscup i tyske Oberhof.

Send heim frå Oberhof

Også veslebror Johannes Thingnes Bø har slite med sjukdom denne sesongen. Thingnes Bø opplevde å verte sendt heim frå Oberhof med feber.

Då ein friskmeld Thingnes Bø ikkje fekk gå stafett i Rupholding, uttalte han til NRK at det var som å vere ein villhund i band

– Det er eit knallhardt regime, Thingnes Bø til NRK den gong.

Men medan Johannes raskt var tilbake i sporet etter sjukdomsavbrekket, har det tatt lenger tid for Tarjei. Noko som fekk Johannes til å uttrykkje uro for storebroren.

– Han har det ikkje så bra, sa ein alvorleg Thingnes Bø til NRK tidlegare denne månaden.

Detaljane skal finpussast
Huset til filosofen Wittgenstein flyttar.
Vestlandsbønder må hente enorme mengder naudfôr frå Austlandet og Sverige. Dette fordi begge grasavlingane på Vestlandet var langt under normalen i sommar.