Dette gjev både bønder og reiselivsnæringa store utfordringar og økonomiske tap.
- LES OGSÅ:
Ved Norsk Bremuseum må dei sleppe hundrevis av turistar gratis inn til utstillingar som ligg i mørke. Så mykje som ni busslaster med turistar kom til opne dører, men mørklagde lokale,
- Det er litt forferdeleg! Vi har det heilt mørkt, men det går no likevel masse folk her og ser seg rundt, seier vaktmeister på Bremuseet, Svein Arne Bøyum.
Lynet slo ned i Fjærland ved 20-tida onsdag kveld og gjorde at både Fjærland og store deler av Sogndalsdalen vart utan straum. Ved 12-tida torsdag er mange abonnentar i Fjærland som framleis må klare seg utan.
Ved 10-tida hadde abonnentane i Sogndalsdalen fram til Støleholmen fått att straumen.
På Mundal Hotel måtte gjestene ete frukost i mørket, medan dei tilsette framleis ventar på å få ta oppvasken frå i går.
På Bremuseet tapar dei pengar for kvar time som går.
- Det går ikkje an å ta betalt når ikkje utstillingane verkar som dei skal, seier Bøyum oppgitt.
Sognekraft seier til NRK.no ved 12-tida at dei framleis arbeider med å rette feilen som gjer at store deler av Fjærland ikkje har fått attende straumen.