Tande-Petersen, betre kjend som "Tande-P",
om Tall Ships Races i Måløy.Film stogga eller ein million
"Tande-P" har arbeidd med filmen i fleire år. DVD'en om seglskutefesten er ferdig og lagt ut for sal, utan NRK-kjendisen sitt samtykke. Dette meiner han er eit klart brot på Åndsverklova og krev filmen stogga, eller ein million kroner.
- Utgangspunktet er at Tande-P ynskjer ei forklaring på kvifor han er utestengt frå ferdigstillinga av DVD'en om Tall Ships Races i Måløy, seier advokaten hans, Thomas Rukin.
Gamal strid
Rådmann Ørjan Raknes Forthun i Vågsøy seier han ventar på ei rettsleg avgjerd i saka. Utover det vil verken han eller prosjektleiar for Tall Ships Races, Helge Hjelle, kommentere saka. Rukin hevdar at ein gamal strid mellom Hjelle og Tande-P er årsaka for at kjendisen vart kasta ut av prosjektet.
- Han vart urettmessig ekskludert frå samarbeidet våren 2008 fordi det hadde oppstått konflikt om eit anna prosjekt. Hjelle opererte som privatperson i det andre prosjektet, seier Rukin.
Tande-P har ikkje vore tilgjengeleg for kommentarar.