Politiet har teke forklaring frå dei som var om bord i .
Ut frå etterforskinga som er gjort, tyder ingenting på menneskeleg svikt.
ETTERFORSKAR: Kjell Magne Barsnes seier politiet no ventar på rapporten frå Sjøfartsdirektoratet sin gjennomgang av styresystemet på Sylvarnes.
Foto: Simon Solheim / NRK– Per dags dato har eg vanskar med å sjå at nokon kan lastast for det som skjedde. Då uhellet først var ute verkar det for politiet som at kapteinen har gjort det han kunne for å avgrense skadane mest mogleg, seier politiførstebetjent Kjell Magne Barsnes ved politistasjonen i Flora.
15 personar om bord
Sylvarnes hadde 12 passasjerar og eit mannskap på tre om bord då uhellet skjedde i 16.30-tida. Ein fritidsbåt vart rend i senk, medan to andre båtar fekk skadar. Ingen personar vart skadde.
Det vart tidleg peika på svikt i styresystemet på båten.
– Kapteinen fortel at han delvis har mista kontroll over fartøyet, opplyste Børre Eimhjellen, pressekontakt i Fjord1.
Var på service like før
Barsnes seier rutebåten var på service like før uhellet skjedde. Alt fungerte som det skulle under prøveturane.
Mest truleg endar uhellet i ei forsikringssak.
– Sylvarnes står no i dokk og sjøfartsdirektoratet skal utføre ein total gjennomgang av framdrifts- og styresystemet på båten. Vi har ikkje grunnlag til å tru noko anna enn at årsaka er systemsvikt, seier Barsnes.
HEVAR BÅTEN: Ein fritidsbåt vart rend i senk, medan to andre båtar fekk skadar. Ingen personar vart skadde. (Video: Egil Aardal)