På sykkelsetet la ekteparet bak seg
.For to år sidan sykla Norunn og Jarle Kvam også Norge på langs. Paret rangerer Norge heilt på botn når det gjeld farlege vegar og bilistar.
– Det er det ingen tvil om. Her har vi vegar som verken bilistar eller syklistar fortener, seier Jarle.
Stor konflikt
Konflikten mellom syklistar og bilistar er stor i Norge. På nettsamfunnet Facebook har gruppa «Vi som hatar syklistar» kring 300 medlemer.
- LES OGSÅ:
- LES OGSÅ:
Tronge vegar, kombinert med ein mangel på gjensidig respekt fører til at det i snitt døyr ein syklist i månaden på norske vegar. Ekteparet frå Hafslo er også mellom dei 70 prosent av syklistar som har opplevd truande eller aggressive bilistar.
- LES OGSÅ:
- LES OGSÅ:
– Det var også ein som kasta ei flakse ut vindauget. Han gjorde det med vilje, men eg veit ikkje om han tenkte følgjer med det han gjorde, seier Norunn.
– Fantastiske Nederland
Episoden ho skildrar skjedde då dei sykla Norge på langs i 2011. For då fekk dei verkeleg oppleve den norske syklist mot bilist-konflikten. I tillegg opna ein døra og spurte om han skulle «ta dei med døra».
- LES OGSÅ:
– Det var ikkje særleg kjekt å oppleve, seier Jarle og legg til at det var ei heilt anna oppleving å sykle Europa på langs. Spesielt i Nederland hadde dei mange gode opplevingar.
– Der var det heilt fantastisk. Det er skilta betre enn bilvegar og sykkelstiar overalt, seier han.
– Turistane flinkast
Kommunikasjonsrådgjevar Nils Fredrik Lysbo hos Statens vegvesen tykkjer det er trist å høyre, og veit ikkje heilt om han vil tru på, at Norge er det verste landet i Europa for syklistar.
- LES OGSÅ:
– Men likevel viser våre undersøkingar at mange norske syklistar har opplevd aggressive og trugande bilistar. Det er noko vi må ta tak i, seier han.
– Eg er oppteken av å sjå kvar dei kjem frå, og ser då på registreringsnummeret. Då ser eg at turistane som ferierer i Norge er flinkare enn nordmenn generelt til å ta omsyn her i landet, stadfestar Norunn.
– Vis respekt
Vegvesenet har nyleg lansert haldningskampanjen «Del vegen» for å gjere noko med situasjonen.
- LES OGSÅ:
Lysbo oppmodar mellom anna syklistar som syklar fleire saman om å sleppe forbi bilistar og bilistar til å køyre forbi med god margin til syklisten eller syklistane.
– Det gjeld eigentleg å ha respekt for andre, vise vanleg høflegheit og innsjå at begge partar har like rettar til vegen, seier han.
– Inga lett løysing
I Luster er Jarle Kvam usikker på om dette er noko som lar seg gjennomføre.
– Vegstandarden ligg til botn. Og eg skjønar godt bilistar som blir forbanna på syklistar. Men eg trur ikkje at gjensidig respekt er ei lett løysing på kort sikt, avsluttar han.