Den auka kjøpeviljen merkast ikkje berre økonomisk, men også på tilbakemeldingane frå turistane. Det seier museumsdirektør John Brekke.
- Les også:
Merkar stor skilnad frå i fjor
På toppen av dette legg kvar enkelt gjest meir pengar igjen enn før, seier museumsdirektør John Brekke.
– Eg trur mykje kjem av den svake krona. Det er den store skilnaden i år, samanlikna med tidlegare år, seier Brekke.
MERKAST: Direktør ved Bremuseet i Fjærland, John Brekke, seier at den svake krona merkast godt.
Foto: Marie Osland / NRKMen ikkje alle turistane på Bremuseet har fått med seg at den norske krona er svakare enn normalt. Sharon frå Israel er ein av dei.
– Det er kjekt å vite, seier Sharon.
20-åringen er glad for å høyre at det er billigare enn før å vere turist i Norge. Ho opplever framleis Norge som eit dyrt land, men seier dei var førebudde på dette og at det er verdt det.
– Det er dyrt her, men vi visste om det før vi kom. Vi meiner det er verdt det, for det er eit vakkert land, seier Sharon.
- Les også:
BLANT DEI FÅ: F.v. Turid Bohne, Fridtjov Irgens og Eva Irgens var blant dei få norske turistane som i går vitja Bremuseet i Fjærland.
Foto: Marie Osland / NRKFår fleire kroner per gjest
På Bremuseet i Fjærland ser dei tydeleg at dei har større omsetnad per gjest.
Og han er ikkje åleine. Ved Fjærland Fjordstove Hotell merkar dei også at inntektene aukar. Det seier Bård Huseby som er vertskap og eigar.
– Vi merkar det på talet kroner per gjest. Vi har ikkje sett opp romprisane, så det må komme av meirsal av mat, drikke og aktivitetar, seier Huseby.
BRUKAR MEIR: Bård Huseby ved Fjærland Fjordstove Hotell merkar at turistane legg at meir pengar.
Foto: Marie Osland / NRKOgså på Breheimsenteret i Jostedalen merkar dei ein auke i turismen samanlikna med i fjor.
– Eg føler at dei som er innom her, i større grad enn før tek seg tid til å vere i kafeen, ta ein kaffi og ei kake, i tillegg til å vitje museet, seier dagleg leiar, Gaute Grov.
- Les også:
Trur resultatet vert like godt som i fjor
Hos Jostedalsbreen Nasjonalparksenter i Oppstryn har dei hatt ein god sesong så langt. Her reknar dei med å ende på det same som i fjor med rundt 100.000 besøkjande. Men dagleg leiar Anne Kjos-Wenjum har ikkje oversikt over om kronekursen har påverka inntektene der.
– Det er vanskeleg å seie heilt nøyaktig. Men eg trur vi landar på eit like godt resultat som i fjor, seier Kjos-Wenjum.
- Les også:
