I dag er det 5285 asylsøkjarar rundt om kring på mottak i landet som har plikt til å forlate Norge. Men for mange er det nærast umogleg å returnere til heimlandet.
SV meiner nokre av dei bør få amnesti, slik som til dømes Yemane Teferi som har budd på mottak i Norge i 24 år.
Vi kan ikkje la asylsøkjarar bu i mottak til dei blir gamle og døyr, meiner stortingsrepresentant Karin Andersen i SV.
– Slik det er no, øydelegg det liva til folk, seier ho.
Har budd på mottak i 24 år
NRK fortalde sist veke historia til 56 år gamle Yemane Teferi frå Eritrea. Han har levd i mottak i 24 år, først ni i Sverige og så 15, til no, i Norge.
Eritrearen opplever at livet hans står på vent, då han kjem frå eit land som ikkje vil ta han tilbake.
– Eg har ingenting å gjere og ingen stader å reise. Iblant kjennast det som om eg sit i husarrest, seier Yemane Teferi.
Etter fleire år på mottak i Jølster i Sogn og Fjordane, bur han no på Bømlo mottak i Sunnhordland. Her får han 1960 kroner å leve for i månaden, og har ikkje lov til å jobbe.
- LES OGSÅ:
- LES OGSÅ:
(Artikkelen held fram under biletet)
Vil endre praksisen
Teferi har altså fått endeleg avslag på asylsøknaden sin, men det er umogleg for han å reise heim. Heller ikkje styresmaktene greier å tvangsreturnere han.
Slik er det også for fleire andre av dei over 5000 asylsøkjarane som ventar på å reise ut av landet.
SV vil gjere noko for alle desse, og viser til at andre land brukar amnestiordningar i slike tilfelle.
– Eg trur alle som ser denne saka, og som gidd å setje seg inn i det, forstår at dette ikkje er noko folk gjer fordi dei har lyst til det.
– Denne mannen er i ein heilt umogleg situasjonen. Eritrea er eit veldig farleg land som folk flyktar frå, og vi gir dei opphald fordi det er farleg å vere der, seier Karin Andersen som sit på Stortinget for SV.
- LES OGSÅ:
- LES OGSÅ:
Varslar knallhard linje
Men i Dagsrevyen sist veke varsla justisminister Anders Anundsen frå Framstegspartiet ei knalltøff linje.
– Dette handlar rett og slett om at du ikkje skal få fordelar av å hindre ein retur. Anten reiser du heim og medverkar til det sjølv, om ikkje blir du tvangsreturnert før eller seinare, sa ministeren.
- LES OGSÅ:
- LES OGSÅ:
– Må finne løysingar
Men Karin Andersen i SV viser til at regjeringa sjølv har vedgått at det er vanskeleg å sende asylsøkjarar frå enkelte land ut av landet, trass i at dei har fått avslag.
Norge manglar returavtalar med fleire land og enkelte land er for farlege.
– Vi ønskjer å ha ein asylpolitikk der dei som får avslag skal reise ut av landet så fort som mogleg.
– Men i dei enkeltsakene som viser seg å ikkje kunne løysast på mange år, må vi finne ei menneskeleg løysing, seier SV-politikaren.
- LES OGSÅ:
- LES OGSÅ: