Mannen som er i 30-åra er i Fjordane tingrett dømd til 90 dagar fengsel med ei prøvetid på to år, etter fleire straffbare forhold.
Han er dømd for å ha kome med drapstrugslar mot to ulike personar, samt vald mot begge. Den eine er mannens dåverande sambuar.
Sunnfjordingen er også dømd etter vegtrafikklova for å ha køyrt bil i påverka tilstand, samt ulovleg eige av narkotika. Han skal også ha køyrt ein bil som ikkje var påsett lovlege kjennemerke.
Mannen mistar førarkortet i 21 månader, og må opp til ny førarprøve for å få det tilbake.
I tillegg må han betale ei bot på 40.000 kroner, eller 15 dagar i fengsel og sakskostnadar på 3.000 kroner.
Den tiltalte sa seg skuldig i tre av postane, men ikkje i dei som omhandla vald og trugslar.