Etter 24 minutt sette Christian Holko inn 1-0 for heimelaget.
Pasning frå broren
Han sette inn ballen etter fin pasning frå bror sin, Pål Holko.
Åtte minutt tidlegare hadde Stryn ein ball i stolpen.
Nummer to av Holko
Men i det 43. minutt vart Christian Holko tomålsskårar, og Stryn leia fortent 2-0 ved pause.
To kjappe rett etter pause
Og fire minutt ut i andre omgang sette Petur Heidar Kristjansson inn 3-0. Same mannen sette i det sjuande minutt inn 4-0 på straffespark. Det vart og sluttresultatet, for Fjøra greidde ikkje på nokon måte å truge serieleiaren.
Klart i teten
Etter ein ny klar siger er Stryn oppe i 12 poeng på fire kampar og med ein målskilnad på 18-3. Dei to næraste laga, Tornado Måløy og Sogndal 2, har sju poeng på tre kampar, og desse to laga møtest i Sogndal onsdag 13. mai.
Dei andre kampane i den fjerde serierunden blir spela laurdag. Det er Florø-Høyang, Jølster-Førde, Kaupanger-Eid og Vik-Årdal.