NRK Meny
Normal

Strømsgodset utklassa Sogndal i treningskamp

– Dette var ein dårleg treningskamp. Det kunne fort blitt både sju og åtte null.

Eliteserien fotball 2016: Start-Sogndal 1-1.

VEKKAR: Sogndaltrenar Eirik Bakke er glad dagens kamp var ein treningskamp og vil helst gløyme den så fort som råd.

Foto: Tor Erik Schrøder / NTB scanpix

Sogndal tapte heile 5–0 borte mot Strømsgodset på Marienlyst i Drammen i dag. (3-0 til pause). Sogndaltrenar Eirik Bakke er slett ikkje nøgd.

– Vi har ein god del ting å jobbe med dei siste to vekene før seriestart, seier Bakke.

I dagens treningskamp fekk han sjå eliteserierivalen Strømsgodset skape langt fleire sjansar enn Sogndal som dermed har tapt 0–9 i kampar mot eliteserielag dei 10 siste dagane. (0-4 borte mot Lillestrøm førre torsdag)

– Det er veldig ulikt oss å sleppe inn så mange mål, seier Bakke.

Han meiner litt av forklaringa kan vere mange nye spelarar og ein del skader i laget. Samtidig meiner han fleire har ein jobb å gjere.

Det er fleire av gutane som er langt frå der dei skal vere, så dei må verkeleg stå på, seier Bakke.

Islending prøvespelte

Islandske Orri Sigurður Ómarsson prøvespelte i midtforsvaret for Sogndal i denne kampen. Skadesituasjonen i laget frå saftbygda gjer at islendingen er aktuell for overgang til Sogndal. Men 5 baklengsmål var vel ikkje eit ønska scenario i debutkampen. Bakke veit enno ikkje om islendingen vil få tilbod om kontrakt.

– Han har trent med oss i ein dag. Og i dag leverte resten av laget under pari. Han hadde særs vanskelege forhold og det er vanskeleg å bedømme han etter ein slik kamp, seier Bakke.

Ikkje nøgd med midtforsvaret

Fotballekspert Jon Navarsete blei heller ikkje imponert over det han såg i dagens kamp.

– Eg håper spelarane får seg ein vekkar og går i seg sjølve for tippeligaspel er tøffe saker, seier Navarsete.

Jon Navarsete

TØFFE SAKER: Jon Navarsete meiner fleire av Sogndalspelarane må opp eit hakk eller to i prestasjonane før eliteseriestart om to veker.

Foto: Ole André Rekkedal / NRK

Navarsete meiner midtforsvaret må bli betre hos Sogndal.

– Vi har mista Hannu Patronen og har vel ikkje lukkast med å finne ein god erstattar for han, seier Navarsete.

Men så er heller ikkje Navarsete den som er mest uroa før eliteseriestart.

– Vi har vore med på dette fleire gongar før. Vi må hugse på at for Sogndal så må målsetjinga vere å overleve i tippeligaen. Og der skal det vere gode moglegheiter, seier Navarsete optimistisk.

Og når det gjeld dagens kamp er det, i følgje Eirik Bakke, berre ein ting å gjere.

– Vi set ein stor strek over den.

Detaljane skal finpussast
Huset til filosofen Wittgenstein flyttar.
Vestlandsbønder må hente enorme mengder naudfôr frå Austlandet og Sverige. Dette fordi begge grasavlingane på Vestlandet var langt under normalen i sommar.