– Eg er veldig skuffa. Eg var ikkje åleine om å håpe på ei løysing, seier fylkesleiaren i Utdanningsforbundet til NRK søndag kveld.
- LES OGSÅ:
Partane i konflikten møttest til nye samtalar søndag kveld, men etter berre ein halv time i forhandlingar gjekk partane kvar til sitt, utan semje. Orda er harde, situasjonen låst og ingen forslag ligg på bordet.
Streiken har halde på i åtte veker, og dei to siste vekene har også elevar og foreldre fått merke det, ved at fleire skular og klassar ikkje har undervisning. I Sogn og Fjordane er det no 164 lærar ute i streik. Alle dei streikeråka skulane ligg i Førde.
- LES OGSÅ:
Kan kome nye streikeuttak måndag
– Vårt sentralstyre har ikkje så mykje å gå på. Eg har aldri vore bort i liknande oppslutnad på ei uravrøysting. Vi har sagt til KS at dei må gå vekk ifrå krava om auka bindingstid for lærarane, då kan vi snakkast. Det er tydeleg at dei ikkje vil legge det vekk, og då kjem vi dessverre ikkje lenger, seie Haugsbø søndag.
Det er enno ikkje varsla nye opptrappingar i streiken, men dei første varsla om nye streikande kan kome allereie måndag føremiddag. Klokka 10 samlast leiarane i Utdanningsforbundet til telefonmøte, og etter det er det truleg kvar om det kjem nye uttak.
– Vi har fire dagars varslingsfrist til arbeidsgjevar. Så eventuelle nye uttak vil tidlegast gjelde frå torsdag, seier Haugsbø.