– No investerer konsernet i Gaupne i staden for i dei store tekstillanda som Kina, Honduras og Vietnam. Det tek vi som ei stor tillitserklæring, seier dagleg leiar i Avery Dennison NTP i Gaupne, Tom Dyrdal.
Transfermerkebedrifta har meir enn 170 tilsette, og produserer mellom anna trykk til fotballdrakter.
Barcelona FC er berre ein av fleire internasjonale kundar. På kundelista har dei andre fotballklubbar i Premier League, Formel 1, Mercedes og Puma. I Norge leverer dei trykk til 70 prosent av marknaden.
I 2016 sette verksemda omsetnadsrekord med 140,4 millionar. Både kundar i Norge og spesielt i utlandet spør etter produktet deira.
No satsar dei altså endå meir i sognebygda.
– Den investeringa vi gjer i Gaupne er den største av sitt slag i vår historie, og den er veldig stor i vår bransje, seier Dyrdal.
STOR PRODUKSJON: NTP har meir enn 170 tilsette på Gaupne.
Foto: Sigrid SkjerdalHar hatt gode overskot i ti år
Når konsernet i Avery Dennison NTP no vil satse i Gaupne, er det for å ta større marknadsdelar, både i Norge og i utlandet.
– Vi investerer 20 millionar kroner, og det er hovudsakleg i ny teknologi. Det vil gjere oss i stand til å ta nye delar av den internasjonale marknaden, seier Dyrdal.
Bedriftsleiaren trur avdelinga i Gaupne berre kjem til å vekse seg større.
– Den gjengen som er her i Gaupne skil seg ut frå resten av konsernet, trur eg. Vi har ei historie for å gjere det bra. Vi har hatt stor vekst dei siste ti åra, og har levert solide overskot. Det er ein veldig engasjert gjeng,.
