Det er sentralstyret i Norges Friidrettsforbund som i dag har avgjort dette.
Det er andre gongen NM blir lagt til Storehesten Opp.
Første gongen var i 2008 då Anita Håkenstad og den no avlidne motbakkekongen, Jon Tvedt, vart norgesmeistrar.
- SJÅ BILETA: NM opp Storehesten
Ideell løypeprofil
Og Arne Øvrebø som sit i styret for Storehesten Opp er glad for avgjerda.
– Vi har visst ei stund at det gjekk mot at vi får arrangementet, men det er uansett fantastisk gledeleg. Vi fekk mykje lovord for arrangementet i 2008, og dessutan passar løypeprofilen vår ideelt til det dei ynskjer seg av eit motbakkeløp.
– Fjør i hatten
– Det er gledeleg at motbakkeløpsfylket Sogn og Fjordane igjen får tildelt NM. Storehesten Opp har gjennom mange år vist at dei kan levere gode arrangement, og NM-tildelinga er ei ekstra fjør i hatten for dei, seier dagleg leiar Narve Heggheim i Norsk Friidrett Sogn og Fjordane.
Skåla opp i Loen var NM i 2005 og Fanaråken Opp i Luster var NM i 2007. Arrangementet i 2013 blir dermed fjerde gongen eit NM blir lagt til Sogn og Fjordane.