Fylkesveg 55 gjennom Vadheimstunnelen i Høyanger er stengd på grunn av steinras. Statens vegvesen ventar at tunnelen blir opna kl. 23. Då vil ein leiarbil køyre først, på grunn av vegarbeid.
Eit tredje steinras gjekk ved Hundsåna, på fylkesveg 609 mellom Askvoll og Førde. – Det er eit mindre steinsprang. Han som oppdaga raset har rydda vekk dei største steinane sjølv, og vi er på veg for å rydde dei mindre som ligg att, seier Ronny Sleire i Vegtrafikksentralen.
Det har gått eit stort snøskred på Gjerden i Nordfjord i Sogn og Fjordane. Statens vegvesen fekk melding om skredet klokka 17.20 og har folk på veg.
Fylkesveg 60 ved Utvik mellom Byrkjelo og Stryn vert midlertidig stengt mellom klokka 09.30 og 11.00 i dag grunna vegarbeid, melder Statens vegvesen.
