KLARE FOR SPENNANDE VEKER: Leiar Åsmund Eikenæs og nestleiar Oline Birgitte Nave gler seg til årets filmfestival.
Foto: QfilmLenger nede på sida kan sjå alle filmane og stemme på din favoritt!
Qfilm-leiar Åsmund Eikenæs er godt nøgd med filmane dei har fått inn.
– Vi har fått inn mange gode og varierte filmar frå ungdom i alle aldrar frå Sogn og Fjordane, seier han.
Filmfestivalen blir arrangert av medie-elevar ved Firda vidaregåande skule. Publikum kan vente seg ei innhaldsrik veke med arrangement, mange gode filmar frå ulike delar av verda, god mat og underhaldning.
– Vi er godt nøgde med responsen før festivalveka, og gler oss til å kome i gong på måndag, med ei veke fylt med film og underhaldning.
Gallekveld
Den store prisutdelinga skjer torsdag kveld. Då er det klart for Q-pris der det blir kåra vinnarar i ulike kategoriar.
– Qpris vert ein storslått gallakveld, med raud løpar, fingermat og prisutdeling. Vi ønskjer å gjere stas på unge filmskaparar frå Sogn og Fjordane, og delar ut Q-prisar laga av TIP-lina på Eid vidaregåande skule til dei beste innsende filmane, seier Eikenæs.
Stem på den du likar best
Nettlesarane til NRK Sogn og Fjordane kan vere med å avgjere kven som får Publikumsprisen. Vinnaren får ein flott premie.
Du kan stemme på din favorittfilm fram til torsdag 20. november klokka 16:00.
Du kan berre stemme éin gong per 12 timar pr. IP-adresse. Deler du IP-adresse med fleire? Om du sit på ein skule eller ein annan offentleg institusjon, kan den hende du får du opp melding om det allereie er stemt før deg frå same IP.
Her er dei ti nominerte filmane:
4H Ghana
4H GHANA: Medverkande: Torgeir Timenes Bell, Ida-Louise Eikås og Oline Birgitte Nave Musikk: Philter – Breakdown Into 8-Bit.
Jordalen
JORDALEN: Regi: Cecilie Skogheim.
Kontrast
KONTRAST: Regi: Renate Solibakke og Frøya Bergheim. Musikk: Bjarne Iestra
Move Forth
MOVE FORTH: Ein film av Jonas Mølmesdal Flaten og Thomas Alme Matre i Rend Digital.
Pensjonert
PENSJONERT: Regi: Ottar Brochs. Musikk: Kevin MacLeod, Ludwig van Beethoven, Ottar Brochs, Martin Berg Andersen, Dovydas Miliauskas.
Prosjekt Nordfjord trailer
PROSJEKT NORDFJORD TRAILER: Regi: Iver Heen Ask.
Skygger fra fortiden
SKYGGER FRÅ FORTIDEN: Regi: Mark John Cupper, Per Asbjørn Gundersen, Emil Ringstad, Patryk Smørdal og Stein Witteveen.
UFO
UFO: Regi: Gjest Ingeson Kvåle og Jacob Årøy.
Året som gikk
ÅRET SOM GIKK: Regi: Matias Myklebust.
