Stem på den beste kortfilmen

Hopp til innhold

Lenger nede på sida kan sjå alle filmane og stemme på din favoritt!

Qfilm er ein filmfestival der kreativ ungdom får vise kva dei kan om film, samt lære meir om film via forskjellige aktivitetar, foredrag og kinoframsyningar.

I år markerer dei 10 år og festivalsjef Janne Grete Myklebust seier responsen til årets festival har vore god.

– Vi har fått inn mange filmar og er imponert over kor flinke unge filmskaparar vi har i fylket. Det er mange som seier dei gler seg til Qfilm, seier ho.

LES OGSÅ: Bli med når Qfilm markerer 10 år

Stor prisutdeling

No er det meste på plass før festivalveka startar måndag. Myklebust seier dei som kjem skal få ei kjekk oppleving.

– Vi er veldig spente! Vi har fått utruleg mange gode filmar, som vi trur vil trekke ein del publikum. Vi ser fram til ei storslått feiring av festivalen sitt 10-årsjubileum.

Den store prisutdelinga skjer torsdag kveld. Då er det klart for Q-pris der det blir kåra vinnarar i ulike kategoriar.

Nettlesarane til NRK Sogn og Fjordane kan vere med å avgjere kven som får Publikumsprisen.