NRK Meny
Normal

Stein viste seg å vere søppelsekk

Vegtrafikksentralen fekk beskjed om eit stort steinfall i Frudalstunnelen og stengde vegen. Det var feil.

Frudalstunnelen på Rv 5 Sogndal-Fjærland

STENGT: Steinblokk var ikkje av stein...

Foto: Kjell Arvid Stølen / NRK

– Det viste seg å vere ein stor papirsekk som låg i vegen, seier Ketil Molvær ved Vegtrafikksentralen i Lærdal.

Riksveg 5 mellom Skei og Sogndal var stengt ein kort periode etter at Vegtrafikksentralen fekk melding om at ei stor steinblokk hadde ramla ned i vegbana.

Opplysningane gjekk på at steinblokka som hadde ramla ned var så stor at folk ikkje kunne flytte den med handemakt. Difor var kontraktøren sendt til staden for å undersøke saka.

– Det skjer ofte at vi får meldingar som ikkje stemmer heilt, men det er bra folk ringer inn, seier Molvær.

Vegen er opna att.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.