KrF og Venstre vil kjempe imot sentralisering av skatteinnkrevjinga. Det er eitt av tiltaka regjeringa har fremja i framlegget til nytt statsbudsjett. Det er berre få månader sidan Stortinget avviste å flytte skatteinnkrevjinga frå kommunane til staten.
Regjeringa føreslår 175 millionar kroner til Nasjonale turistvegar i 2016. Utsikten og Torsnesstølen på Gaularfjellet er mellom tiltaka som er planlagt fullført i løpet av året.
– Det er umogleg å lese ut av framlegget til statsbudsjett kva det får å seie i kroner og øre for politiet i Sogn og Fjordane før over nyttår, seier regionlensmann i Sogn, Arne Johannessen, som fryktar for det lokale handlingsrommet. – Det er heilt umogleg å sjå kva dette betyr for Sogn og Fjordane. Det veit vi ikkje før Politidirektoratet fordeler pengane i februar.
Høgskulen i Sogn og Fjordane får ei ramme på 377 millionar kroner i statsbudsjettet for 2016. Dette tilsvarar ei auke på 3,9 % i forhold til 2015. Vi har fått ei auke på 3,2 mill kr som følgje av fleire avlagde studiepoeng. Når studentane lykkast, gir det utteljing for HiSF, skriv høgskulen i ei pressemelding. Skulen er likevel skuffa over at dei ikkje har fått tildelt nokon nye stipendiatstillingar.
