– Vi har brukt litt tid på å setje oss inn i ein omfattande dokumentasjon som ligg ved politimeldinga, seier regionlensmann i Nordfjord, Tormod Hvattum.
Det var i byrjinga av juni at eit foreldrepar politimelde rektoren og ein lærar ved ein barneskule i ytre Nordfjord fordi dei meiner barnet deira har vorte mobba på skulen, og at skulen ikkje har gjort nok for å rydde opp.
– I løpet av denne veka kjem vi til å starte med avhøyr i saka, seier Hvattum.
- LES OGSÅ:
- LES OGSÅ:
Vil ikkje kommentere kva mobbing det er snakk om
Politiet ønskjer raskast råd å få snakka med dei involverte partane i saka.
– Vi kjem til å snakke med både foreldre og tilsette ved den skulen det gjeld, seier Hvattum.
Han ønskjer ikkje å kommentere noko om kor alvorleg mobbing barnet har vore utsett for.
– Nei, det ønskjer vi ikkje å seie noko om. Det må vi eventuelt komme tilbake til når vi har komme lenger i etterforskinga, seier Hvattum.
- LES OGSÅ:
- LES OGSÅ:
Kjem til å prioritere saka
Regionlensmannen understrekar at politiet ikkje har teke imot fleire politimeldingar om liknande saker.
– Eg har ikkje registrert noko slikt per i dag, seier Hvattum.
Han seier det er vanskeleg å seie noko om kor lang tid saka vil ta for politiet å nøste opp i.
– Det er alltid vanskeleg å seie noko om det, for det kjem an på kva som skjer. I tillegg er det snart ferietid. Men dette er ei sak som vi skal prøve å prioritere i den grad vi har mannskap til å setje inn, seier Hvattum.
Han trur ein veit meir i løpet av dei to neste vekene.
– Då vil vi iallfall ha teke unna hovuddelen av avhøyra, seier Hvattum.
- LES OGSÅ: