NRK Meny
Normal

Starta leiteaksjon i Sogndal

Politiet sette i gang leiteaksjon etter ein rusa mann i Sogndal sentrum i natt. Men etter eit par timar kunne alle involverte pusta letta ut.

Den sakna hadde berre teke seg ein kvil etter ei fuktig natt på byen.

– Han hadde vel porsjonert litt feil, ja, seier operasjonsleiar hjå politiet, Olaug Holme.

Klokka 04.36 i natt sette politiet og Røde Kors i gang søket, og klokka 06.33 vart han funnen, og teken hand om av vener.

– Han hadde funne seg ein bygning i sentrum og sovna der, seier Holme.

Tok opphald på helikopterlandingsplass

Der politiet ofte har ei rekkje oppdrag på nattetid i helgene, har det natt til laurdag vore relativt roleg.

– Vi kan ikkje klage i natt, seier Holme.

I Førde fekk politiet telefonar om ein rusa mann som hadde bestemt seg for å opphalde seg på helikopterlandingsplassen ved sjukehuset, og reiste til staden for å vise han vekk.

Politiet i Førde måtte også bryte opp ein uroleg situasjon med fleire hissige personar ved ein bensinstasjon i Førde, og køyrde ein rusa mann heim.

Florø-politiet tok hand om ein sykkel, ein Diamant Zenit 20, som truleg var stolen. Personen som hadde sykkelen nekta å opplyse kvar sykkelen kom frå, skriv politiet på Twitter.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.