NRK Meny
Normal

Starta kronerulling for krisesenter

Krisesenteret i Florø får no økonomisk hjelp frå privatpersonar.

Bjørg Ladehaug

STARTAR KRONERULLING: Bjørg Ladehaug håper å samle inn 200 000 kroner til krisesenteret.

Foto: Asgeir Reksnes

Etter at fylkestinget før jul sa nei til å løyve 200 000 i årleg støtte til senteret, vart Bjørg Ladehaug så opprørt at ho no har starta kronerulling for senteret.

Ladehaug som jobbar på kvinneklinikken ved sentralsjukehuset i Førde, seier krisesenteret vert brukt av kvinner frå heile fylket. Difor meiner ho at alle bør kunne bidra.

– Eg tykkjer det er heilt forferdeleg at dei som har teke på å hjelpe, ikkje skal ha eit fast budsjett i forhalde seg til. At dei aldri veit kor lenge dei kan drive eller om dei må leggje ned. Det er heilt skammeleg og vi bur som bur i fylket burde reagere på det med å sende eit beløp inn slik at dei får pengar til å drive i 2011.

– Du har starta kronerulling, kva effekt trur du at det har?

– Eg håper vi får inn det beløpet som fylkeskommunen ikkje ville løyve. Dersom 2000 av oss betaler 100 kroner kvar, så har dei det beløpet. Det burde kunne la seg gjere.

Vegopning på Bergum i Førde kommune