– Du blir frustrert når du kjem sist

Orda kjem frå politibetjenten som saman med ein kollega rykte ut til det som skulle vise seg å vere eit trippeldrap på Valdressekspressen, måndag 4. november.

Vegard Andersen var nett komen på jobb då dei fekk meldinga.

– Vi var nett komne på jobb, og det låg arbeid som venta på oss. Folk skulle inn til avhøyr. Då vi køyrde, så var det etter melding om ei trafikkulukke, fortel politibetjenten.

– Det var ei omstilling

Med kontorlokala i Lærdal, kunne patruljen køyrt to ruter. Dei 59 kilometerane om Årdalstangen og Årdal, eller dei 84 kilometerane gjennom Lærdalsdalen til Holsbru.

Patruljen var godt på veg på den lengste ruta, då dei fekk vite korleis situasjonen eigentleg var på Valdressekspressen.

– Det gjer noko med den mentale førebuinga når du set i bilen. Det å vere budd på ei trafikkulukke, til det som faktisk møtte oss. Det var ei omstilling, seier han.

– Vi valde rett rute

Valet patruljen gjorde har i etterkant blitt tema for både debatt og kritikk . Det tok 57 minuttar før politipatruljen kom fram til åstaden. Då hadde brannfolk pågripe den sikta .

• LES OGSÅ: Navarsete: Politiet kunne vært der på 20 minutter

– Eg føler det blir framstilt som om det er vi som har gjort noko gale, seier Andersen og står fast på at dei valde rett veg til Holsbru.

• LES OGSÅ: Vil ha eige politihelikopter i Sogn og Fjordane

– Eg har køyrt ruta vi valde ganske mange gonger. Det same med ruta om Årdal. Vi vel å køyre dalen for vi veit at vi kan køyre mykje fortare. Det er fin veg, det er Europaveg og du kan halde den farten bilen klarer under utrykkinga, seier han.

Tek inn att tida

– Inn mot Årdal er det smalt, svingete og uoversiktleg. Avstandsskilnaden på dei to rutene, tek vi inn att på farten, held Andersen fram.

(Artikkelen held fram under biletet)

Kva syn som møtte dei, kan ikkje Andersen fortelje om. I bussen som skulle frå Årdal til Oslo var bussjåføren og to passasjerar knivdrepne. Ein asylsøkjar i 30-åra frå Sør-Sudan er varetektsfengsla etter drapa .

• LES OGSÅ: Lensmannen visste ingentig før NRK ringde

Patruljen i Indre Sogn skal dekkje tre kommunar, som samla sett er nesten like stort som Østfold fylke.

– Frustrerande

– Det er frustrerande å ha eit så stort område og du på ein måte må nesten innfinne deg med at du ikkje er først, seier Andersen. Drapa i Årdal har reist debatt om sentralisering av politiet.

Politianalysen føreslår å leggje ned 144 lensmannskontor over heile landet . Frykta er då at politifolk vil flytte etter jobbane. Og såleis forsvinne frå bygda. Andersen ser helst at politiet blir organisert som i dag.

• LES OGSÅ: – Ikke nok med nasjonalt beredskapssenter
• LES OGSÅ: Fryktar nedlegging av lensmannskontor kan føre til endå lengre responstid for politiet

– Du mister dei lokale som bur der og som er lokalkjende og kjenner bygda inn og ut. Det er eit stort tap om desse flyttar vekk frå bygdene, avsluttar han.

SJÅ TV-SAK: