Det var i 1630-tida at Vegtrafikksentralen melde om at ein lastebil hadde havarert på riksveg 55 mellom Skjolden og Turtagrø.
Eit stort vogntog med hengar har køyrt seg fast i ein av dei knappe svingane på veg mot Skjolden, og sperrar vegen.
Sit fast i svingen
I 1730-tida vart ein redningsbil frå Vang rekvirert for å hente lastebilen, den nærmaste bilen i Årdal var for stor til å ta seg over Tindevegen.
– Det vil ta om lag halvannan time før den er framme på staden, opplyser Ketil Molvær ved Vegtrafikksentralen i Lærdal.
Redningspersonell opplyser at hengaren sit fast i svingen, truleg fordi sjåføren ikkje har lagt seg langt nok ut i svingen.
– Det er ikkje mogleg å kome forbi, opplyser Ketil Molvær ved Vegtrafikksentralen i Lærdal.
Dermed er riksveg 55 mellom Lom og Skjolden er stengd.
Vegtrafikksentralen oppmodar bilistar om å køyre privat bomveg via Øvre Årdal for å komme seg forbi ulukkesstaden.
Lange køar
Her skal vere smalt, og det er ikkje klart å bussar og lastebilar kjem seg fram her. For privatbilar skal det likevel vere greitt å køyre, opplyser Vegtrafikksentralen.
Ingen skal vere skadde seg i samband med uhellet.
Det skal allereie ha samla seg opp ein del kø ved staden der uhellet har skjedd. Vegtrafikksentralen trur likevel ikkje det kjem til å bli veldig lange køar på vegen. Førebels er det uklart kva som har skjedd på staden.
KØ: Det er mange turistar som står i kø ikkje langt frå Turtagrø etter trafikkuhellet.
Foto: NRK-tipsar