NRK Meny
Normal

Stakk av med sin andre publikumspris for film frå øyriket

Dokumentarfilmen «Øyriket Solund» ved regissør Elias Engevik vann Publikumsprisen gjennom
avstemminga på NRK Sogn og Fjordane. Dermed har han sikra seg to publikumsprisar på kort tid.

Elias Engevik

VINNAREN: Elias Engevik vann Publikumsprisen med ein film der han viser fram øyriket Solund frå si beste side.

Foto: Privat

Erlend Blaalid Oldeide

DELTE UT PRIS: Erlend Blaalid Oldeide delte ut Publikumsprisen under kveldens filmgalla.

Foto: Inge Kjell Holme
Vinnar QFilm Publikumspris 2013

PRIS NUMMER TO: Elias Engevik var ikkje tilstades under utdelinga i Sogndal i dag. Arkivfoto

Foto: Britt Kristin Ese / NRK

Nær 1800 røyster kom inn under avstemminga til Publikumsprisen som blir arrangert i samarbeid med NRK Sogn og Fjordane. Prisen blei delt under gallakvelden til Sogndal Filmfestival i kveld.

Elias Engevik fekk 31 prosent av røystene for «Øyriket Solund» der han viser fram heimkommunen der han er oppvaksen og har budd heile livet.

Øyriket Solund konkurrerte med 10 andre filmar om å bli førstevalet til publikum. Premien er eit speilreflekskamera til ein verdi av 8000 kroner.

Filmen om heimkommunen hans stakk av med same pris under Qfilm på Sandane i haust. Dermed har krikar og krokar i kystkommunen sikra Elias Engevik mykje heider og ære.

Her kan du sjå vinnarvideoen:

(Artikkelen held fram

Øyriket Solund - ein film av Elias Engevik

SJÅ VINNARFILMEN: Øyriket Solund fekk 31 prosent av røystene og Elias Engevik vann Publikumsprisen.

To filmskaparar vann seks prisar

Men det blei også delt ut andre prisar under årets gallakveld i Sogndal. Over 50 filmar var påmelde til festivalen og prisutdelinga gjekk føre seg i Sogndal Kulturhus måndag kveld.

To filmskaparar fekk heile seks prisar. David Underdal (24) frå Underdal og Jonas Flaten 18) frå Hafslo blei mestvinnande i kortfilmkonkurransen på årets Sogndal Filmfestival. Begge stakk av garde med tre prisar kvar.

Flaten som til dagleg går på medielinja på Sogndal vidaregåande skule, vann prisen for beste sportsfilm saman med Torkjell Venjum. Flaten vann også prisen for beste animasjon og beste etterarbeid.

(Artikkelen held fram under videoen)

Gallakveld under Sogndal Filmfestival 2014. Foto: Erlend Blaalid Oldeidem NRK

TRE PRISAR: David Underdal har laga filmen «Valkyrjen» og fekk tre prisar for arbeidet med den. Foto: Erlend Blaalid Oldeide.

Laga beste fiksjon

Lærarstudenten David Underdal har dedikert seg til filmen etter at han for nokre år sidan gjekk ut frå medielinja i Sogndal. Det resulterte i tre prisar i kveld; Seniorprisen, Fagjury/Sparebank Vest-prisen og prisen for best fiksjon med filmenn «Valkyrjen».

– Eg er svært overraska og overlukkeleg, seier Underdal.

I grunngjevinga seier juryen at regissøren ut frå manus og ide maktar skapa ei virtuell verd som tek sjåaren med inn i ei dramatisk forteljing, der grensene mellom fiksjon og røyndom blir viska ut.

Juniorpris tok Hollywood til Sogndal

Jakob Årøy og Gjest Ingeson Kvåle

VANN JUNIORPRISEN: 16 år gamle Gjest Ingeson Kvåle (th) vann pris. Her saman med tv-assistent Jakob Årøy.

Foto: Inge Kjell Holme

16 år gamle Gjest Ingeson Kvåle vann juniorprisen med filmen U.F.O. Kvåle som kjem frå Sogndal har flytta Hollywood til bygda.

– Med gode skodespelarprestasjonar, effektar og kreativitet blir resultatet ein
svært underhaldande film, skriv juryen i grunngjevinga.

Beste dokumentar til Nord-Norge

Anette Hagen frå Harstad vann prisen for beste dokumentar. Ernst Kamalov frå Molde fekk prisen for beste regi og manus med filmen ”Brist”.

Jan Olav Frettland og May-Tone Høyheim

FEKK BLOMAR: Nestleiar Jan Olav Fretland i fylkeskulturutvalet overrekte blomster til festivalsjef May-Tone Høyheim.

Foto: Inge Kjell Holme

Festivalsjef May-Tone Høyheim tykkjer det har vore ei flott gallakveld.

– Det har vore kjempekjekt, lærerikt og kvelden var fabelaktig. Det er mange som har stått på for at kvelden skulle bli bra, seier ho.

Jury for Sogndal filmfestival var i år: journalist/fotograf Håvard Nesbø (leiar), filmfotograf/fotograf Bjørn Bergum og student Elling Bjarneson Venjum.

Her kan du sjå nokre av vinnarane:

U.F.O - ein film av Gjest Ingeson Kvåle

U.F.O: 16 år gamle Gjest Ingeson Kvåle vann juniorprisen med filmen U.F.O. Kvåle som kjem frå Sogndal har flytta Hollywood til bygda.

Brist - ein film av Ernest Kamalov.

BRIST: Ernst Kamalov frå Molde fekk prisen for beste regi og manus med filmen ”Brist”.

Valkyrjen - ein film av David Underdal

VALKYRJEN: David Underdal vann prisar med denne filmen.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.