– Held denne nedgangen fram kan det bli vanskeleg for Norge å sitje i førarsete når det gjeld fjordhesten, seier Tore Kvam til Fjordabladet.
Han er fagansvarleg for fjordhesten og er også utstillingsansvarleg ved Statens hingsteutstilling på Nordfjordeid.
Vekst på verdsbasis
I 1996 var det fødd kring 400 fjordhestar i Norge. I 2011 er talet halvert.
Samstundes har den vestnorske arbeidsvillige hesten bred om seg elles i utlandet, og tel på verdsbasis rundt 70.000 dyr.
Mellom anna har hesterasen fått ei solid tilhengjarskare i USA og England.
Færre brukarar - mindre avl
– Så det er ingen fare for at rasen vil døy ut. Problemet er bruken av fjordhest i Norge stadig går nedover. Det er færre som har fjordhest, og det blir stadig mindre avl, seier Kvam til avisa.
Han trur ein må ha fleire stimuleringstiltak inn mot unge brukarar, og meir konkurranse innan fjordhest.
Overfor Fjordabladet vil Kvam ikkje karakterisere situasjonen som dramatisk, men seier han er uro av stoda.