Anders Stadheim ser i kveld kampen mellom Fredrikstad og Start. Han seier han deretter skal i samtalar om ein eventuell overgang.
Styreleiar i Sogndal Fotball, Rolf Navarsete, stadfestar at tippeligaklubben har kome med eit bod på Stadheim.
Utover det vil ikkje Navarsete kommentera innhaldet. Stadheim har kontrakt med Sogndal i to år til.
- Ei avklaring vil kome i løpet av eit par dagar, seier Navarsete.
Etter det NRK Sogn og Fjordane har grunn til å tru ligg bodet på den tidlegare landslagsspelaren under det Lyn betalte for Christian Brink. Midtstopparen gjekk frå Sogndal til Lyn for rundt fem millionar kroner.