NRK Meny
Normal

Spytta på lensmannen – må i fengsel

Då ein nordfjording i 30-åra skulle i arresten spytta han like greitt to gonger på lensmannen.

Nordfjordingen er dømd til fengsel i elleve månader for spytting på ein offentleg tenestemann, og for fleire andre straffbare forhold.

Det var ei natt i mars at mannen stal ein bil. Han fekk politiet på døra etter at dei hadde fått nyss i saka. Då politiet vekte mannen blei han aggressiv, og politiet brukte makt for å få kontroll.

Då politiet fekk 30-åringen inn i politibilen kom mannen med drapstrugslar og forsøkte å skalle til eine politibetjenten. I det mannen skulle settast i arrest spytta han to gonger på lensmannen.

Frådømt førarretten på livstid

Nordfjordingen var tiltalt for seks ulike punkt då han møtte i Sogn og Fjordane tingrett. Retten fann han skuldig i alle tiltalepunkta.

Blant anna fann dei mannen skuldig for køyring i rusa tilstand, noko mannen tidlegare er dømd for. Retten har pålagt 30-åringen sperrefrist for å få førarkort på motorvogn for alltid.

Nordfjordingen får eit frådrag for 18 dagar i varetekt på dommen om elleve månadar i fengsel. Mannen er domfelt fleire gonger tidlegare. Blant anna for tilsvarande vald og truslar.

Bønder føler seg ikkje trygge på vegen med traktor
Orkanen Tor var ikkje ekstrem nok
Ordninga bør endrast