- Eg har aldri sett dei før, og då eg oppdaga dei var det berre å prøve å komme seg fortast mogleg ut, fortel Sølvi Catrin Berg Hestvik.
- LES OGSÅ:
Såg dei frå stoveglaset
Berg Hestvik var heime på Heilevang då ho gjennom stoveglaset såg heile fem spekkhoggarar leike seg i Førdefjorden.
- Eg tok med meg kamera og sprang ned til båten, seier ho.
Og ho kom svært nære dei enorme dyra.
- Eg var så nære at eg nok kunne kakka på dei med åra mi, fortel ho.
(artikkelen held fram under biletet)
FLEIRE TONN: Spekkhoggarane er enorme dyr som vanlegvis ikkje kjem så langt inn i Førdefjorden som dei gjorde i veka før jul.
Foto: Sølvi Catrin Berg HestvikBerre meter frå dei
Dei fem leika seg i fjorden, og Berg Hestvik fekk knipsa fleire gode bilete av dei fantastiske dyra.
- Dei var to-tre meter frå båten og dei laga slike virvlar då dei gjekk under vatn. Då tenkte eg at eg kanskje ikkje var så trygg i den vesle båten eg sat i.
Og ho vedgår at møtet med dei fem gjorde ho litt skjelven.
- Dei er jo enorme, og dei var fem stykker. Eg kvapp såpass at eg heldt på å miste kameraet mitt. Heldigvis hadde eg reim på det, ler ho.
(artikkelen held fram under faktaboksen)
- Svært kjekt
Dei fem dyra symde etter ei stund utover fjorden att.
- Det er stilig å ha vore så nære dei. Eg har berre høyrt eldre folk fortelje om at dei har sett spekkhogger i fjorden, ingen på min alder. Så dette var kjekt.