I dag har det vore offisiell sommaropning av hyttene til Den Norske Turistforeining i fjellet.
Skogadalsbøen hadde i dag besøk av generalsekretær i Den Norske Turistforening, Kristin Krohn Devold.
– 490 hytter er no klare for innrykk. Vi ønskjer alle velkommen til ei herleg sommar i den norske fjellheimen, seier ho.
- LES OGSÅ:
Håper på fleire enn i fjor
SOMMARSTART: I dag er det offisiell sommaropning av hyttene i fjellet.
Foto: Sindre T. Lønnes / Den Norske TuristforeningPå Skogadalsbøen blei sesongopninga markert med middag og bålkos. Vertskapet Marit Høgheim og Olav Kjell Moen håper på mykje folk i sommar. Høgheim gler seg over å vere i gang.
– Det er veldig kjekt når sesongen startar. Vi har jobba på for å få hytta klar. I tillegg har vi baka og fått på plass maten, seier ho.
No blir dei på Skogadalsbøen fram til 15. september. I fjor var det 2800 innom hytta, i år håper dei på fleire.
Tjuvstarta
Skogadalsbøen tjuvstarta sist helg då dei markerte 125 årsjubileet for hytta. Moen seier dei har hatt ein god start på sesongen.
– Dette ser lovande ut. Vi håper vêrgudane er med oss framover, for vêret har litt å seie i skuldersesongane. Midt på sommaren kjem folk uansett.
- LES OGSÅ:
- LES OGSÅ:
SJÅ VIDEO: Dugnadsgjengen på Skogadalsbøen – Turistforeningshyttene rundt om i landet har førebudd seg på storinnrykk no når sommarsesongen snart er i gang. Det betyr at enkelte må leggja ned fleirfaldige timar i dugnadsarbeid for å få alt på stell.